«Абилимпикс» ойто ло бисте ӧдӧр

25.01.2021

Су-кадыгы кирелӱ ле кенек улус ортодо ӧткӱрилип турган «Абилимпикс» деген конкурстыҥ тергеелик бӧлӱгине белетенери јанынаҥ иш бистиҥ республикада башталып, кӧндӱге берди. Ого учурлалган јуунды тергеениҥ башкарузыныҥ вице-премьери Динара Култуева ӧткӱрген.

Вице-премьер тургуза ӧйдӧ бистиҥ республикада бу јаан учурлу конкурска белетенери јанынаҥ иштер эрчимдӱ ӧдӱп јат деп темдектеген. Ол: «Кӱч эпидемиологиялык айалгалардаҥ улам былтыр бис «Абилимпиксти» ӧткӱрип болбогоныс. Је оныҥ учуры бистиҥ тергееге сӱрекей јаан, конкурстыҥ туружаачылары дезе оныҥ ченелтелӱ марга-андарында кӱӱнзеп туружып јат» — деп темдектеген.

Су-кадыгынаҥ кирелӱ ле кенек улус ортодо ӧткӱрилип турган конкурска белетеништӱ иштер канайда ӧдӱп турганы керегинде јуунда Алтай Республиканыҥ ӱредӱ ле билим аайынча министриниҥ ордынчызы Александр Сыркашев куучындаган. Оныҥ айтканыла, конкурстыҥ бисте болуп турган бӧлӱги «Ӱредӱ» деген национальный ӱлекердиҥ «Јиит профессионалдар» деп адалган тергеелик ӱлекери аайынча ӧткӱрилип јат. Бу чемпионаттыҥ программазы сӱрекей ныкта. Маргыжаачылар конкурс ӧйинде башка-башка тегерик столдордо, семинарларда, кӧрӱлерде, мастер-класстарда, вакансиялардыҥ јарымкаларында, профориентация аайынча программаларда туружат.

Мынаҥ башка кӧкчилер, агаштаҥ не-немелер кезеечилер, фотограф-репортерлор, робототехниктер, спицаларла кийим тӱӱчилер, текст-бичимелдерди ылгаштыраачылар, баштамы класстардыҥ ӱредӱчилери, аргачылык иш, торконыҥ ӱстине чололор салары, архивоведение ле јуранар искусство јанынаҥ 11 башка компетенция јӧптӧлип тургузылган. Чемпионатта јаҥжыкканы аайынча профтехорганизацияларда ла школдордо ӱренип турган јииттер ле специалисттер туружар.

Тӧзӧмӧл кӱреениҥ јуунында конкурстыҥ бистиҥ республикадагы тергеелик бӧлӱги 2021 јылдыҥ кандык айыныҥ 19-23 кӱндеринде ӧдӧр деп јарлалган. Коронавирустыҥ инфекциязыныҥ таркаганыла, оныла тартыжары аайынча иштердиҥ ӧдӱп турганыла колбой, конкурстыҥ тергеелик бӧлӱги базовый ла болушту площадкаларда очный ла дистанционный бӱдӱмдерле ӧдӧри темдектелет. Бу маргаандар бастыра санитар ээжилерди бӱдӱрген айалгаларда ӧдӧр.

«Абилимпикстиҥ» тергеелик ле национальный бӧлӱктериниҥ конкурсында маргышкан туружааачыларды ишле јеткилдеери канайда ӧткӧни керегинде јуунда јетирӱни Алтай Республиканыҥ иш, јонјӱрӱмдик ӧзӱм ле улусты ишле јеткилдеери аайынча министриниҥ ордынчызы Алексей Санаров эткен. Оныҥ айтканыла, «Абилимпикстиҥ» бистиҥ тергееде мыныҥ алдында ӧткӧн конкурстарында бастыра 154 кижи турушкан. Олордыҥ тоозынаҥ јирме јети кижи ишле јеткилделген, бежен тогус кижи ӱредӱзин улалтып јат. Мынаҥ ӧскӧ профессионал ӱредӱлӱ учреждениелерде ӱредӱзин божоткон јииттерди ишке кийдирери аайынча «Карьера» деген тӧс јерле, М. З. Гнездиловтыҥ адыла адалган государственный политехнический колледжле јӧптӧжӱлер тургузылган.

Анайда ок эл-јонды ишле јеткилдеер тӧс јерге баштанган улус ортодо профориентация јанынаҥ јартамалду иштер ӧткӱрилет. Вакансиялар јанынаҥ јетирӱлер «Россияда иш» деген порталдыҥ су-кадыгы кирелӱ улуска учурлалган бӧлӱгинде улам сайын јарлалат.

Башкаруныҥ «Абилимпиксти» белетеп ӧткӱрерине учурлалган јуунында ишле јеткилдеечилер ле конкурстыҥ туружаачылары ортодо колбулар тӧзӧӧр амадула кон-курстыҥ программазына тегерик столдыҥ ижин кийдирер шӱӱлте јарадылып јӧптӧлгӧн.

Алтай Республиканыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина