Јаҥы инфраструктура тӧзӧлӧр

01.02.2021

Алтай Республиканыҥ башчызы Олег Хорохордин Москвада ишмекчи јол-јорыкта болуп, «Российский экологический оператор» деген публично-правовой компанияныҥ генеральный директоры Денис Бурцевле туштажу ӧткӱрген.

Туштажуда Алтай Республиканыҥ јеринде Россияныҥ экологический операторыныҥ турушканыла кату коммунальный таштанчыларла иштейтен инфраструктура тӧзӧӧри керегинде куучын-эрмек ӧткӧн. «Республикада ТКО-лордыҥ объекттерин тудар ла олорды иштедер амадула государственно-таҥынаҥ аргаларды тузаланып, јолдыҥ картазы тургузылат. Иштеп турган инфраструктураныҥ инвентаризациязын ӧткӱрери јанынаҥ белетеништӱ иштер ӧдӱп јат. Бу иштер ыраакта турган ла ар-бӱткени кату јерлерде база ӧткӱрилер» — деп, тергеениҥ башчызы темдектеген.

Јуук ӧйлӧрдӧ Россияныҥ экологический операторлорыныҥ специалисттери бистиҥ тергееге келип, инфраструктураныҥ объекттериниҥ ижин шиҥдеп кӧрӧр. Бу иштиҥ турулталары ӧрӧги адалган компанияныҥ республиканыҥ инвестиционный ӱлекерлеринде туружатан аайын јартаар. Республикада таштанчыларды бой-бойынаҥ башка јууры ла ылгаары аайынча план тургузылган. Анайда ок контейнерлер аларга, субсидия чыгарар документтер белетелет. Платформаларды автоматизацияныҥ эп-аргаларына толо кеминде кӧчӱрери јанынаҥ иштер база ӧдӱп јат.

Бӱгӱнги кӱнде Алтай Республиканыҥ јеринде ӱч тергеелик оператор иштеп јат. ТКО-ныҥ таштанчыларын чыгара тартар јеткилдеш тогузон процентке бӱдет. Тергееде ТКО-лордыҥ тогус полигоны тудулган. Олордыҥ јыл туркунына иштеп турган арга-ийдезиниҥ кеми 236 муҥ тонна. Таштанчыларды јууп ла ылгап турган 32,5 муҥ тонналу полигон база бар. 2019 јылда бу полигонды эмдиги ӧйдиҥ эдим-јазалдарыла јеткилдеери аайынча элбек кемдӱ иштер ӧткӧн. Алтай Республиканыҥ јеринде анайда ок кату таштанчыларла иштейтен јети јаҥы объект тудулары темдектелет.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина