Иштиҥ уч-турулталары кӧрӱлген

04.02.2021

Россияныҥ ФСБ-зыныҥ Алтай Республика аайынча пограничный башкартузы 2020 јылдагы ижиниҥ уч-турулталарын кӧргӧн.

Государственный гран-кыйуны корулаары јанынаҥ былтыр ӧткӧн иштиҥ турулталарынаҥ кӧрзӧ, Алтай Республиканыҥ јеринде гран-кыйула колбулу чочыдулу айалга болбогон.

Текши алза, гран-кыйуныҥ режимин ле оныҥ ээжилерин бӱдӱрерин аҥылу шиҥжӱде тутканыныҥ шылтузында ээжилерди бускан 1300 кижи каруузына тургузылган, онызы 2019 јылда болгонынаҥ эки катапка кӧп. Ээжилерди бускандарга салылган административный штрафтардыҥ кеми 1,5 миллион салковойдоҥ кӧп болгон. Пограничный башкартуда темдектелгениле, Алтай Республиканыҥ эл-јоны кӧп саба учуралдарда ээжилерле башкарынып јӱрет. Ээжи-некелтелерди бускандардыҥ кӧбизи Россияныҥ ӧскӧ тергеелериниҥ улузы болгон.

Казахстан Республиканыҥ јеринеҥ алтын тазылды (родиола розовая) казып аларга болуп, Кӧксуу-Оозы аймактыҥ кижизи госграницаны баш билинип кечкени учун Россия Федерацияныҥ јасакберими аайынча каруузына тургузылган.

Пограничный башкарту государственный гран-кыйуны корыыры јанынаҥ ижин бӱдӱрип тура, ол ок ӧйдӧ кезик улус ар-бӱткенге чыгым эдерин токтоткон учуралдар болгон. Ол тоодо гран-кыйуныҥ јанында јерлерде ас туштап турган јерлик тындуларды, куштарды (темдектезе, шоҥкорды) јоголторына экелгедий учуралдарды болдыртпаган.

Текши алза, Россия Федерацияныҥ ар-бӱткенди корыыры аайынча јасакберимин бускан 40 учурал илезине чыгарылган. Јасакка келишпес андый керектер эткени учун 100-теҥ кӧп кижи административный каруузына тургузылган. Ол улустаҥ 25 тонна алтын тазылды айрып алган. 2019 јылда бу јанынаҥ тоо 8 тоннадаҥ эмеш кӧп болгонын темдектеер керек. 2020 јылда айрып алган эм-технический сырьеныҥ рыноктогы баазы 45 миллион салковойдоҥ кӧп.

«Тожоҥты» пунктты ӧдӱп јорыктагандардыҥ тоозы коронавирус оорула колбулу кирелендириштердеҥ улам тӧрт катап кирезине астаган да болзо, пограничный шиҥжӱниҥ ишчилери кезик улус товарларын јажырып, гран-кыйуны кечерге ченешкенин бир канча катап илезине чыгарган. Алтай таможенный экспертизаныҥ темдектегениле, айрып алган товарлардыҥ баазы 13 миллион салковой болгон.

Государственный гран-кыйуныҥ ээжи-режимдерин буспазын озолондыра јеткилдеери, илезине чыгарары Россия Федерацияныҥ јеткер болбозын јеткилдеечи службазыныҥ тӧс иштери болуп јат.

Россияныҥ ФСБ-зыныҥ Алтай Республика аайынча погранбашкартузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина