Бастыра шарлар лузаларда...

Бастыра шарлар лузаларда…

15.02.2021

Кочкор айдыҥ 13-чи кӱнинде Алтай Республиканыҥ јаргычыларыныҥ совединиҥ баштаҥкайыла Горно-Алтайскта тергеениҥ јаргызыныҥ системазында иштеп турган јаргычылар ла ишчилер ортодо Коручылдыҥ кӱнине учурлай бильярдла јаҥжыккан турнир ӧткӧн.

Кӧдӱриҥилӱ ачылтада быјыл тоозыла онынчы катап болгон маргаандардыҥ туружаачыларына уткуулду сӧстӧриле Алтай Республиканыҥ Ӱстиги јаргызыныҥ председатели А. В. Кокорин, АР-дыҥ јаргычыларыныҥ совединиҥ јааны, тергеениҥ Ӱстиги јаргызыныҥ председателиниҥ ордынчызы А. О. Имансакипова, республиканыҥ јаргычыларыныҥ совединиҥ турчызы, Горно-Алтайск каланыҥ јаргызыныҥ председатели А. Л. Казанцева баштанып, олорго јаркынду ойындар ла јеҥӱлер кӱӱнзегендер.

Турнирде јеҥӱчилдиҥ адын ададары учун сегис спортчы тартышкан. Курч ла јилбилӱ ойындардыҥ адакы кӧргӱзӱлериле јеҥӱни јӧптӧштиреечи јаргычылардыҥ ижин јеткилдеер комитеттиҥ јааны С. А. Майжегишев алган. Экинчи ле ӱчинчи јерлерге Кош-Агаш аймактыҥ јӧптӧштиреечи јаргычызы И. В. Суховерков ло амыралтадагы јаргычы В. П. Айманов чыккандар. Маргаандардыҥ јеҥӱчилдери грамоталарла, медальдарла, кереес кубокторло кайралдаткандар. «Јеҥӱге јӱткӱмел учун» деген аҥылу сый амыралтадагы јаргычы А. М. Битешевке табыштырылган.

Јеҥӱчилдерге кайралдарды кӧдӱриҥилӱ айалгада Алтай Республиканыҥ јаргычыларыныҥ совединиҥ председатели А. О. Имансакипова ла јаргычылардыҥ совединиҥ турчызы, Чой аймактыҥ јаргызыныҥ председатели А. В. Кыдыев табыштыргандар. Маргаандардыҥ туружаачылары дезе бильярдла онынчы катап болгон турнир быјыл, алдындагы ла јылдарда чылап ок, бийик кеминде ӧткӧн деп темдектегендер.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина