Кычырарга, бичиирге, иштенерге библиотека кычырат

15.03.2021

Горно-Алтайсктыҥ Тӧс библиотеказында (Жилмассивте) Президенттиҥ гранттарыныҥ фондыныҥ быјылгы јылдагы баштапкы кӧрӱ-маргаанында јеҥӱчил болуп чыккан «Кычырадыс. Ӱренедис. Иштенедис» деген ӱлекердиҥ кӧдӱриҥилӱ ачылтазы тоолу кӱндер кайра ӧтти.

Учуры јаан ла јилбилӱ кӧдӱриҥиге кӧп тоолу айылчылар амадап, јилбиркеп келдилер: тергеениҥ СМИ-лериниҥ чыгартулу улузы, библиотеканыҥ кычыраачылары, најылары, онойдо ок солун ӱлекердиҥ партнерлоры ла туружаачылары.

Туружаачыларды Горно-Алтайсктагы каланыҥ библиотечный системазыныҥ јааны Елена Петерс уткуды. Оныҥ айтканыла, бу ӱлекердиҥ амадузы каланыҥ тӧс библиотеказында ӱренчиктерге ӱредӱзине болушту ла чӧлӧӧ, бош ӧйдӧ иштеерине јарамыкту јерди-площадканы тӧзӧп иштедери. Ӱредӱге болушту јер компьютерле иштеерге эптӱ эдип јазалган. Мында онойып иштегедий јерлердиҥ ӱчӱзи фондтыҥ акчазыла јепселген. Бери 1-кы класстаҥ ала 11 класска јетире ӱренчиктер јуулар аргалу. Мында акча-эш тӧлӧбӧзинеҥ айылдыҥ ижин бӱдӱрерге, экзамендерге белетенерге јараар. Онойдо ок ӱлекерлерди, рефераттарды бичип, баазын тӧлӧбӧзинеҥ бойыныҥ материалдарын чыгарарга ла ӱредӱге болушту платформаларга чыгарга јараар.

Бош ӧйдиҥ јери — ол «Хобби-MIX» деген јайаандык мастерской. Мында неделе туркунына 3 урок ӧдӧри темдектелет. Олордыҥ экӱзи оогош класстардыҥ ӱренчиктерине библиотеканыҥ аҥылу планыла «Культура ла бош ӧй» деген ууламјыла ӧдӧр. Бир урок дезе ӱлекердиҥ партнерлорыныҥ наадайлардыҥ «Жар-птица» театрыныҥ ла коррекцияныҥ ла ӧрӧ ӧзӧриниҥ «Колибри» студиязыныҥ болужыла мастер-класстар эдип ӧткӱрилер. Балдарга, темдектезе, пластилинография, сууда јураары, химический ченемелдер ле ичкери ӧзӧргӧ ӧскӧ дӧ јарамыкту ӱредӱ ӧдӧр. Балдарга мындый јайаандык площадка тузалу, јилбилӱ болорында алаҥзу јок. Кӧдӱриҥилер 2021 јылдыҥ тулаан айыныҥ 11-чи кӱнинеҥ ала кичӱ изӱ айдыҥ 30-чы кӱнине јетире вторник, четверг, воскресен сайын ӧткӱрилер.

Татьяна Миллер јуулгандарды каланыҥ культура, спорт ло јашӧскӱримниҥ керектери аайынча башкартузыныҥ адынаҥ уткуп тура, «Кычырадыс. Ӱренедис. Иштенедис» деген ӱлекердиҥ президенттиҥ гранттарыныҥ кӧрӱ-маргаанындагы јеҥӱзи јаан јолына тебӱ берери јанынаҥ ижемјизин айтты.

Кӧдӱриҥиниҥ туружаачыларына Алтай Республиканыҥ Библиотекаларыныҥ биригӱзиниҥ адынаҥ оныҥ председатели Светлана Штанакова президенттиҥ гранттары ла библиотекалардыҥ, онойдо ок ого эл-јондык база кирет, ӧзӱмдӱ јолында оныҥ јаан учуры јанынаҥ айтты. Ол бойыныҥ коллегаларын јаан једимиле уткуп, ӱлекер јӱрӱмде ачык јолду болзын деп кӱӱнзеди.

Ӱлекердиҥ партнерлорыныҥ бирӱзи «Колибри» студияныҥ ишчизи Марина Рябова ӱлекерде темдектелген иш јанынаҥ айдып тура, бойыныҥ мастер-клазын кӧргӱсти. Балдар 2 минуттыҥ туркунына јердиҥ оозы ачылганын кӧрӱп, сӱреен кайкадылар.

«Кычырадыс. Ӱренедис. Иштенедис» деген ӱлекердиҥ башкараачызы Светлана Канищева туружаачыларга ӱлекерди јӧмӧп-болужып келгени учун јаан быйанын айтты. Ол онойдо ок 4 айдыҥ туркунына ӧдӧтӧн иш тузалу, турулталу болор, библиотека дезе каланыҥ балдарыныҥ чӧлӧӧ ӧйиниҥ сӱӱген јери болор деп, бойыныҥ ижемјизин айтты. Балдарга бой-бойыла јууктада таныжарга, куучындажарга эптӱ јер — библиотека. Бис слерди, кару ӱренчиктер, мындый суруула сакыйдыс:

Коммунистический проспект, 178, телефон: 6-17-99.

Н. ШАТАЕВА, библиотекарь

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина