Јерлештерис јеҥӱчилдердиҥ тоозында

05.04.2021

Сибирьдиҥ јашӧскӱриминиҥ ок-јаадаҥ тураныҥ ичинде адары аайынча ачык тергеелик маргаандары бу јуукта Томск калада ӧткӧн.

Оҥдой аймактаҥ Семен Казанцев, текши алза, 434 очко јуунадып, јеҥӱчил болуп чыккан. Бистиҥ экинчи јерлежис Ижеҥ Кыбыев (Оҥдойдоҥ) 12 метрдеҥ адарында маргыжып, кӱлер кайрал ойноп алган.

Кыстар ортодо 12 метрдеҥ адарында Екатерина Моносова (ресгимназия) баштапкы кругтыҥ кийнинеҥ Кемеровоныҥ спортчызы Анастасия Ефремовага он очкого ойнодып ийген. Парадтыҥ ачылтазы ӧйинде Екатеринага ла ӧскӧ дӧ бир канча спортчыларга баштапкы юношеский разрядтыҥ зачетный квалификационный бичиктерин табыштырган болгон. Байла, оныҥ да учун јерлежис ӧкпӧӧрип, баштапкы кругта јакшы адып болбогон. Је экинчи кругта ол чечен адып, очколорло Анастасияны јаба јеткен. Је калганчы серия тӱҥей ле аргадабаган… Е. Моносовага јеҥӱ аларына эки ле очко јетпей калган. Экинчи кругты ойноп то алган болзо, бу маргаандарда ол экинчи јерде болды.

Бистиҥ команданыҥ база бир турчызы Ирина Ховалыг (М. Карамаевтиҥ адыла адалган 1-кы таҥмалу лицей) блочный ок-јаадаҥ адарында маргыжып, экинчи
јерде болгон.

Горно-Алтайсктагы педколледжтеҥ Анатолий Команев база медаль јок артпаган. Ол Красноярский крайдыҥ командазыныҥ составына кирип, мӧҥӱн кайрал ойноп алган.

Анайда ок Оҥдой аймакта Алтыгы-Талдунаҥ Аделина Кохоева, Горно-Алтайсктаҥ Айдар Иванов ло Амырай Мышлакова база коомой эмес аткандар.

Бистиҥ окјаачылар мындый турнирлерде баштапкы ла катап акча-манатла толо кеминде јеткилделип турушканын темдектеер керек. Оҥдой аймактыҥ ДЮСШ-зына, Алтай Республиканыҥ Горно-Алтайсктагы «СШОР» бюджет учреждениезине јӧмӧлтӧ-болуш эткени учун быйан айдар керек. Олордыҥ болужыныҥ шылтузында каладаҥ беш кижи ле Оҥдой аймактаҥ ӱч кижи Сибирь кеминде маргаандарда једимдӱ турушкан.

А. СЕЛЬБИКОВ

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина