Валерий Чичиновтыҥ тӧрӧл јурты Чопошто

08.04.2021

Јарлу јондык-политикалык ишчи, литературовед, ӱредӱчи, Калыктар ортодогы тюркология академиязыныҥ кӱндӱлӱ академиги Валерий Иванович Чичиновтыҥ чыкканынаҥ ала 85 јылдыгына (05.04.1936 – 31.04.1999) учурлалган јайаандык эҥир тӧрӧл јеринде ӧтти.

Чопош јурттыҥ оныҥ адыла адалган библиотеказында (јааны Полина Балбина) ӧткӧн эземниҥ эҥиринде В. Чичиновтыҥ эш-нӧкӧри Татьяна Данилова, областной национальный школдо бир класста кожо ӱренген Александр Палкин, коштой класста ӱренген ле АР-дыҥ Журналисттер биригӱзиниҥ председатели, ветерандардыҥ совединиҥ јааны Борис Алушкин, АР-дыҥ профсоюзтарыныҥ биригӱзиниҥ јааныныҥ ордынчызы Наталья Саймина, СТД-ныҥ талалык бӧлӱгиниҥ председатели Светлана Тарбанакова, журналисттер Наталья Ташкен, Ольга Чербыкова, Алтынай Исакова ла јурттыҥ эл-јоны эрчимдӱ турушты.

Јайаандык эҥирде Валерий Ивановичтиҥ эземин кереестеп, бойыныҥ ӧйинде кожо ӱренген нӧкӧрлӧри, башка-башка јылдарда кожо иштеген улус бойлорыныҥ эске алыныштарыла јуулгандарды таныштырган.

Валерий Ивановичтиҥ кызы билезиле Францияда Гренобльда јуртап јат. Барказы Ксюша Боделукова Антуан де Сент-Экзюпериниҥ «Кичӱ Бий» деген чӧрчӧгин француз тилле кычырды.

Чопоштыҥ Культура байзыҥында (худбашкараачызы Ольга Хорошавина) ла библиотеказында алтай агаш айыл бар. Тышкары дезе алты ӱйелӱ чакылу. Бу чакыны олорго јурттыҥ эл башчызы Олег Кужлеков сыйлаган.

Агаш айылдыҥ ичинде јарлу алтай бичиичи Павел Кучиякка учурлалган кӧрӱ бар. Онойдо ок алтай улустыҥ эдинген-тудунган эдимдери база эптӱ тургузылган.

Валерий Чичиновтыҥ адыла адалган библиотеканыҥ бойында ветерандардыҥ «Чопоштыҥ таҥдагы» деген фольклорлык ӧмӧлиги бар, худбашкараачызы Полина Балбина. Јайаан ӧмӧликтиҥ ады-јолы аймак та, тергее де кеминде јарлу. Ветерандар Чага байрамныҥ, Јылгайактыҥ, Масленицаныҥ ла ӧскӧ дӧ байрамдардыҥ эрчимдӱ туружаачылары. Албатыныҥ алтай, орус кожоҥдорын туштажу ӧйинде коолодо кожоҥдогылады. Каладаҥ келген Алтынай Исакова топшуурын ойноп, коо-јараш ӱниле база кожоҥдоды.

Јайаандык эҥирде Борис Кӱндӱлеевич Алушкин Россияныҥ ветерандарыныҥ совединиҥ Кӱндӱлӱ грамоталарын јурттыҥ Культура байзыҥыныҥ худбашкараачызы Ольга Хорошавинага ла једимдӱ, јозокту иштӱ «Чопоштыҥ таҥдагы» ӧмӧликке табыштырды. Онойдо ок јурттыҥ эл башчызы Олег Кужлековко Россияныҥ ветерандарыныҥ совединиҥ тӧшкӧ тагар темдеги табыштырылды. Јурттыҥ ижинде эрчимдӱ туружып, эл-јонло эптӱ-јӧптӱ иштеп јӱргенин база темдектеди.

Валерий Чичиновтыҥ тӧрӧл јуртында, библиотекада јакшынак туштажу, ойын-концерт ӧтти. Јерлештери, айылчылар В. Чичиновтыҥ эземин кереестеп, оны јылу сӧстӧрлӧ эзедип салдылар.

К. ТӦЛӦСОВА

ТОП

Положение о фотоконкурсе «Бир фотојуруктыҥ тӱӱкизи»

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от 02.02.2026 № 3 Триянова С В. _________________ Положение о фотоконкурсе «Бир фотојуруктыҥ тӱӱкизи» («История одной фотографии»), посвященном 35-летию Республики Алтай, 270-летию вхождения алтайского народа в состав Российской империи Общие положения 1.1. Настоящее положение о проведении фотоконкурса «Бир фотојуруктыҥ тӱӱкизи» («История одной фотографии») (далее —

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде