Газет-журналдарга бичидиш — каруулу иш

21.05.2021

Кош-Агаш аймактыҥ почтазыныҥ каруулу операторы кӧбӧк сӧӧктӱ Айсулу ТЕЛЕСОВАЛА ӧткӧн элес эрмек-куучын.

—Айсулу Александровна, бойыҥ керегинде куучындап берзеҥ?

—Чыккан-ӧскӧн јерим Кызыл-Таш. Ада-энем Кызыл-Таш јуртта школдо иштегилейт: энем Альбина Николаевна баштамы класстардыҥ ӱредӱчизи, адам Александр Садунович јазалду иштерде. Биледе бис ӱч бала, мен јааны, эки карындажым бар. Айыл-јуртту, эш-нӧкӧримиҥ ады Эпчил, ӱч уул чыдадып јадыс.

—Сен почтаныҥ ижине кайда ӱренгеҥ?

—Школдыҥ кийнинеҥ Маймада СПТУ-ны божодоло, оноҥ Новосибирск калада СибГУТИ-ниҥ колледжинде ӱренгем. Кийнинеҥ бийик ӱредӱ алар амадула институттка кирип, једимдӱ божодоло, иштеп баштаганымнаҥ ала туй ла 12 јыл болды. 2009 јылда Кош-Агаш аймактыҥ почтазына ишке киреле, оноҥ ло бери почтада иштейдим.

—Јиит улус бир јерде узак иштебей, бийик ишјалду ӧскӧ иштер бедирейт. Сеге иштеп јаткан ижиҥ јарайт па?

—Кош-Агаш аймактыҥ почтазыныҥ јааны Марина Николаевна Болтокова иш-тошты билгир башкарат. Ишмекчи јолымды нак ла болушчаҥ ӧмӧликте баштагам, байла, оныҥ учун бир јерде ондый узак иштеп јатканым бу. Бис бой-бойысты оҥдожып јадыс, иш јилбилӱ, јаантайын улусла кожо колбуда. Мен баштап тегин ле оператор болгом. Оноҥ иштиҥ учуры бийиктеп, акча-манатла иштеп баштагам.

—Ӧмӧликте база јииттер бар ба?

—Јиит улус кӧп эмес. Бис јииттерди ишке кычырып јадыс, је олор бир ле эмеш иштейле, јӱре берет. Јаан јашту улус кӧп, олор ӱренгени ле аайынча иштегилеп јат. Ачыгынча айтса, кезик јиит улуста тыҥ иштеер кӱӱн јок ошкош, оноҥ бисте ишјалдыҥ кеми андый ла бийик эмес.

—Газет-журналдарга бичидиш јанынаҥ айалга јербойында кандый?

—Почтаныҥ ижинде газет-журналдарга бичидетени каруулу иш ине. Оныҥ учун бис кажы ла кижиле иштеп, јетирип јадыс. Је улус башка-башка, аргалары да кажызыныҥ ла башка. Кезик улус оҥдоп јат, кезигиниҥ оҥдоор аайы јок. Је бис бичидиштиҥ ӧйинде кӱчис јеткенче эрчимдӱ иштейдис. Газетке бичидерге турган улус бойлоры база сурап угат. Анчада ла айылдаҥ чыкпай отурган јаан улус солундарды газеттеҥ кычырат, оныҥ учун олор газетти эҥ ле тыҥ сакып јат.

—Слердиҥ почтада канча почтальон иштейт? Олорды јилбиркедерге кандый иш ӧткӱрилет?

—Аймакта 7 почтальон иштейт, онойдо ок бистиҥ јеткилдежиске мындый јурттар база кирип јат: Тожоҥты, Кӧкӧрӱ, Чаган-Узун, Телеҥит-Сортогой, Белтир. Почтаны тартып јадыс, техникабыстыҥ айалгазы кем јок.

Алдында јылдарда мен иштеп келип турарымда, почтальондорды јилбиркедер амадула кандый ла кӧрӱлер ӧткӱрилетен. Бойыстыҥ организациябыстыҥ ортозында алза, бис Оҥдой аймакка јӱзӱн-башка кӧдӱриҥилер ӧткӱретенис. Је оноҥ пандемияла колбой андый иш ӧткӱрилбей барган. Мынаҥ ары айалга оҥдолзо, бу иш улалар деп иженедим.

—Айсулу Александровна, Слерге јаан быйан, билегерге ырыс кӱӱнзейдим.

Л. КЛЕШЕВА

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина