Праймериз электрон эп-аргала башталды

24.05.2021

Кӱӱк айдыҥ 21-чи кӱнинде «Единая Россия» партияныҥ тергеелик бӧлӱгинде партияныҥ ӧткӱрип јаткан праймеризине учурлалган брифинг ӧткӱрилди.

Алтай Республиканыҥ СМИ-лериниҥ сурактарына карууларды «Единая Россия» партияныҥ тергеелик бӧлӱгиниҥ исполкомыныҥ башкараачызы Эмиль Тюхтенев ле оныҥ ордынчызы политконсультант Татьяна Щеголькова бердилер. Эмиль Тюхтеневтиҥ айтканыла болзо, бу јылда праймериз электрон бӱдӱм аайынча ӧткӱрилер. Ӱнбереечилер pg.er.ru сайтта регистрация-темдек ӧдӱп, кандидаттар учун ӱнин берер аргалу. Бу талдашта јаҥыс ла Алтай Республикада прописка-регистрациялу улус туружар аргалу. Ӱнбериштер кӱӱк айдыҥ 24-чи кӱнинеҥ ала 30-чы кӱниниҥ калганчы минудына јетире улалар. Праймеризтиҥ уч-турулталары кӱӱк айдыҥ 31-чи кӱнинде јарлалып калар. Кандый кандидаттарды кӱскиде ӧдӧтӧн талдаштарда јӧмӧйтӧнин «Единая Россия» партия кичӱ изӱ айдыҥ 19-чы кӱнинде ӧдӧтӧн бойыныҥ јуунында јарлаар.

«Единая Россия» партияныҥ тергеелик бӧлӱгиниҥ исполкомыныҥ јааныныҥ ордынчызы Татьяна Щеголькова праймеризтиҥ учуры керегинде куучындады. Талдаштардыҥ алдында партия бойыныҥ кандидаттары ортодо мындый талдаш ӧткӱрип турганы — эҥ ле артыктарын талдаарына ла улустыҥ кӱӱнин чокым јартаарына ууландырылган. «Партияга чын иштейтен улус керек — «тӧргӧӧдӧ отуратан генералдар» эмес» — деп, Татьяна Щеголькова темдектеген.

«Единая Россия» партияныҥ праймеризинде туружарга кӱӱнзеген кандидаттарды ајаарып ийели. Олор: Иван Белеков (Государственный Думаныҥ депутады), Родион Букачаков (Государственный Думаныҥ депутады), Дмитрий Зяблицкий (Турачак аймактыҥ депутаттарыныҥ Совединиҥ депутады), Алена Казанцева (Эл Курултайдыҥ депутады), Максим Карамаев (Алтай Республикада аргачылардыҥ јаҥын корыыр чыгартулу кижи), Константин Криворученко («Ноосфера» АКБ-ныҥ правлениезиниҥ јааны), Алена Кудачинова («Единая Россия» партияныҥ тергеелик бӧлӱгиниҥ специалисти), Эжер Малчинов (Алтай Республиканыҥ Шиҥжӱ-чоттомол палатазыныҥ јааны), Ольга Матросова (ОНФ-тыҥ тергеелик бӧлӱгиниҥ башкараачызы), Айдар Мызин (Алтай Республиканыҥ депутады), Валентина Наговицына (Оностогы јурт јеезениҥ јааны), Олег Попов (иш јок), Роман Птицын (Майма аймактыҥ јааны), Виталий Уин (тазыктыраачы), Вячеслав Уханов (иш јок), Анастасия Чудинова («Дабл-ю Кей Восток Энерго» ООО-ныҥ јааныныҥ ордынчызы), Вячеслав Шалданов (иш јок), Ай-Сулу Ябыева (Алтай Республиканыҥ депутады). Текши тооло, тоолом аайынча ӱнбериште 11 кандидат темдектелген, јаҥыс мандатту округ аайынча — 13 кандидат.

Праймеризте ӱнбериш ак-чек ӧдӧр, калганчы тӱп-шӱӱлтени партияныҥ тӧс јери эдер, јербойындагы бӧлӱктер јӱк ле канча кижи регистрацияны ӧткӧнин ле ӱнбериште турушканын кӧрӧр аргалу болорын Эмиль Тюхтенев темдектеген. Эмди Алтай Республиканыҥ ӱнбереечилери бу политикалык керекте туружып, бойыныҥ кӱӱн-табын айдатан туру.

А.МАЙМАНОВА

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина