Ӧмӧ-јӧмӧ иштиҥ јӧптӧжӱзи тургузылган

03.06.2021

Сайлугемдеги национальный парктыҥ ла Киргизияныҥ Сарычат Ээрташтагы заповеднигиниҥ чыгартулу улузы ӧмӧ-јӧмӧ иштиҥ јӧптӧжӱзине кол салган ла ӧскӧ ороондордо ирбисти чеберлеп алары јанынаҥ бар ченемелле танышкан.

Киргизия ирбистердиҥ тоозы кӧп јерлердиҥ тоозына кирет. Билимчилердиҥ айтканыла, бу ороонныҥ јериндеги ирбистердиҥ тоозы 300-400. Ол тындулар Изӱ-Кӧлдиҥ јанындагы Сарычат Ээрташтагы заповедниктиҥ јеринде јӱрет.

Документке кол салар алдында бистиҥ тергеениҥ нацпаркыныҥ ишчилериниҥ турушканыла экспедиция ӧткӱрилген. Ар-бӱткенде болгон семинар Сайлугемдеги нацпарктыҥ попечительский совединиҥ председатели Али Узденовтыҥ ла Јерлик ар-бӱткенниҥ текшителекейлик фондыныҥ (WWF) Тӧс-Азиат программазыныҥ јӧмӧлтӧзиле ӧткӱрилген.

«Киргизияныҥ јериндеги ирбистердиҥ тоозы кӧп, оныҥ да учун бистиҥ коллегаларыстыҥ бу тындуны чеберлеп алары јанынаҥ ченемели де јаан — деп, Сайлугемдеги нацпарктыҥ директоры Денис Маликов кууучындайт. — Бу ороондогы ирбис база Кызыл бичикке кийдирилген ле оныҥ тын тоозы јылдаҥ јылга кӧптӧйт. Биске коллегаларыс канайда иштеп турганын билерге јилбилӱ болгон. Ирбистеҥ башка, бу заповедниктиҥ ишчилери оныҥ экосистемазын база чеберлейт: Марко Полоныҥ туулык кучазын, кочкорды корыйт. Ар-бӱткендик экспедиция ӧдӧр тушта текши тоозы 1 муҥ кире бу тындулардыҥ ӱӱрлерин кӧрӧргӧ келишкен. Бистиҥ јерде андый ӱӱрлер туку качан јоголып калган. Шак ла бу тындулар ирбистиҥ курсак-јеми болот».

Сайлугемдеги нацпарктыҥ ишчилери дезе ирбистиҥ тын тоозын аларында 2019 јылдаҥ ала тузаланылып турган NextGis деп адалган мобильный приложениеле иштеери јанынаҥ ченемелиле ӱлешкен. Јерлик ар-бӱткенниҥ текшителекейлик фондыныҥ баштаҥкайыла бу «полевой дневникти» Киргизияда база тузаланар.

Экспедицияныҥ туружаачылары фототузак тургузып јадала, ирбиске туштагандар! Бистиҥ тергеениҥ билимчилеринеҥ билим ишчи Алексей Кужлековтоҥ ӧскӧ улуска тирӱ ирбисти бойыныҥ кӧзиле мынаҥ озо кӧрӧргӧ бир де катап келишпеген болгон. Олордыҥ амадузы Киргизияныҥ јеринде бӱткен. Алтайда ирбиске туштайтаны кӱч керек: Россияда ирбистердиҥ тоозы 90-ноҥ кӧп эмес.

Ӧмӧ-јӧмӧ иштеериниҥ јӧптӧжӱзи узак ӧйгӧ тургузылган, јӧптӧжӱниҥ туружаачыларыныҥ ээчиде ишмекчи туштажузы Сайлугемдеги нацпарктыҥ јеринде ӧдӧр.

Сайлугемдеги нацпарктыҥ пресс-службазы

ТОП

Положение о фотоконкурсе «Бир фотојуруктыҥ тӱӱкизи»

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от 02.02.2026 № 3 Триянова С В. _________________ Положение о фотоконкурсе «Бир фотојуруктыҥ тӱӱкизи» («История одной фотографии»), посвященном 35-летию Республики Алтай, 270-летию вхождения алтайского народа в состав Российской империи Общие положения 1.1. Настоящее положение о проведении фотоконкурса «Бир фотојуруктыҥ тӱӱкизи» («История одной фотографии») (далее —

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде