Алтай Республика — 30 јыл ӧзӱмниҥ јолында

02.07.2021

Бӱгӱн, јаан изӱ айдыҥ 2-чи кӱнинде, тергеениҥ Эл музейинде кӧдӱриҥилӱ айалгада «Алтай Республика – 30 јыл ӧзӱмдӱ јолдо» деген кӧрӱ ачылат.

Солун кӧрӱ Алтай Республиканыҥ тӧзӧлгӧнинеҥ ала 30 јылдыгына ла алтай албатыныҥ бойыныҥ кӱӱниле Россия государствого киргениниҥ 265 јылдыгына учурлалат. Кӧрӧӧчилер, айылчылар кӧрӱге чыгарылган тӱӱкилик документтерле, Алтай Республиканыҥ сӱр-темдектериле, ар-бӱткендик ле туристический объекттерле, јарлу товарэдеечилердиҥ продукциязыла тереҥжиде таныжар аргалу. Онойдо ок јаан кӧрӱге јурукчылардыҥ, устардыҥ кееркедип-узанып бӱдӱрген иштери база тургузылды.

Бӱгӱнги кӱнде бистиҥ кичӱ тӧрӧлистиҥ статузы бийиктегенинеҥ ала 30 јыл ӧтти. Ол Россия Федерацияныҥ тоозына јолду кирет. Кыска ӧйдиҥ туркунына Алтай Республика Россия кеминде ады танылу ла јарлу боло берди. Республика текшинациональный керектерди бӱдӱреринде јаан јӧмӧлтӧ-болужын јетирген ле јетирет. Ол Россияныҥ экономикалык аргаларын тыҥыдарына, культуралык ла кӧгӱс байлыктыҥ јаҥжыгуларын кӧптӧдӧрине болужын јетирерин улалтат.

Алтай Республика бир канча јонјӱрӱмдик ле экономикалык кӧргӱзӱлер аайынча Россия Федерацияныҥ субъекттери ортодо озочыл јерлерде турат. Аргачылардыҥ ижине јетирип турган јӧмӧлтӧ-болужы, ар-јӧӧжӧзиниҥ байлык тӧзӧгӧзи, ичкери ӧзӱмдӱ транспортный инфраструктура, калыктар, онойдо ок тергеелер ортодо бек колбулар тергеени бийик ле быжу арга-чагыла јеткилдейт. Јӱрӱмде јаан ӱлекер-проекттер бӱдет. Производствоныҥ ийдезин јаҥыртары, промышленностько, јурт ээлемге јаҥыртуларды кийдирери аайынча иш тӧзӧмӧлдӱ ӧдӧт.

Бу кӧрӱ јаан изӱ айдыҥ 2-чи кӱнинеҥ ала сыгын айдыҥ 5-чи кӱнине јетире иштеер.

Эл музей кӧрӱ аайынча ӧҥдӱ буклет белетеп чыгарар.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина