Вакцинация аайынча каруулар берилген

10.08.2021

Албаты фронттыҥ турчылары республиканыҥ эл-јонына коронавирустаҥ вакцинацияныҥ сурактары аайынча чике эфир ӧткӱрген.

Текшироссиялык албаты фронттыҥ Алтай Республикадагы активисттери тергеениҥ эл-јонына коронавирус југуш оорудаҥ вакцинацияла колбой сурактардыҥ аайына чыгарга болужат. Бу керегинде куучын тергеениҥ јарлу соцсетьтериниҥ бирӱзинде јондык ишчилер тӧзӧгӧн платформада чике эфирде ӧткӧн. Граждандардыҥ сурактарына су-кадыкты корыырыныҥ ла Роспотребшиҥжӱниҥ чыгартулу улузы каруулар јандырган.

Оноҥ озо Албаты фронттыҥ эксперттери ОНФ-тыҥ «Демография» ла «Су-кадыкты корыыры» деп адалган тематический площадкаларында медицинский јондыктыҥ чыгартулу улузыла туштажу ӧткӱрген ле анда пандемияла, вакцинацияла колбулу курч сурактарды шӱӱшкен. Ӧмӧ-јӧмӧ ӧткӱрген мындый јартамал иштиҥ шылтузында ӧткӧн эки неделениҥ туркунына тергееде айалга турумкай боло берген – прививка тургустырарга кӱӱнзеген улустыҥ тоозы кӧптӧгӧн. Вакцинацияныҥ Горно-Алтайсктыҥ тӧс тепсеҥинде иштеп турган мобильный пунк-тында очередьтер тӧзӧлӧ берген. Аймактарда ла республикан эмчиликтерге вакцина тургустырарга барып турган улустыҥ тоозы кӧптӧгӧн. Андый да болзо, сурактардыҥ тоозы астабайт.

«Бир айдаҥ башка-башка калалардӧӧн баратан студенттердиҥ ада-энелериниҥ санааркажын бис јакшы оҥдойдыс. Вакцина тургустырарыныҥ сурактары кӧп тоолу билелерде курч тура берген. Анда тургузар эмезе тургустырбас деген удурлажулу кӧрӱм-шӱӱлтелер тӧзӧлгӧн. Билелердиҥ улузы јаҥыс ла балдарыныҥ эмес, је анайда ок јажы јаанай берген ада-энелериниҥ де су-кадыгы учун санааркайт. Кемниҥ де тереҥ кӧксинеҥ вакцинаны тургустырар деген сезим келет. Је вакцинаны албан-кӱчле кемге де тургуспазын билерим» – деп, ОНФ-тыҥ Алтай Республикада тергеелик штабыныҥ турчызы Светлана Полетаева темдектеген.

Тургуза ӧйдӧ республикада прививка тургузар 35 пункт иштейт. Олордыҥ экӱзи мобильный пункттар. 33 мобильный медицинский бригада тӧзӧлгӧн. Анайда ок граждандарды вакцина тургузар пунктка јетирер иштер тӧзӧлгӧн. Бу учун муниципал тӧзӧлмӧлӧрдиҥ јаандары ла аймактардыҥ эмчиликтериниҥ баш врачтары каруулу.

Эл-јонныҥ вакцинациязы аайынча озочылдардыҥ тоозына, мынаҥ озо эҥ кӧп улус оорыган Кош-Агаш аймак, оны ээчий Оҥдой ло Шабалин аймактар кирет.

«Эки неделе кайра ӧткӧн туштажуда улус вакцинацияныҥ мобильный пункттарын аймактардыҥ тӧс јурттарында тӧзӧзин деп сураган болзо, эмди андый ок пункттарды јурттарда, ол тоодо ыраак јурттарда, тӧзӧзин деп сурайдылар. Жуковтыҥ адыла адалган школ-интернаттыҥ ӧмӧлиги ле бир кезек ӧскӧ дӧ ӱредӱлӱ учреждениелер медицинский бригадалар олордыҥ школдорына келип болор бо деп јилбиркейт. СПИД-ле тартыжары ла оныҥ профилактиказы аайынча тӧс јердиҥ баш врачы Валентина Мунатованыҥ јартаганыла, бу аайына чыгып ийгедий сурак. Кӱнди ле ӧйди чокумдаган соҥында, каланыҥ поликлиниказыныҥ мобильный бригадалары школдорго барып, прививкаларды ӱредӱчилерге ле ӧскӧ дӧ ишчилерге тургузар аргалу. Валентина Мунатова 18 јажына јеткелектерге вакцинаны тургуспай турганын чокумдаган» – деп, ОНФ-тыҥ Алтай Республикада тергеелик исполкомыныҥ башкараачызы Ольга Матросова айткан.

Чике эфир ӧдӧр тушта граждандар кандый улуска вакцинаны тургуспай јат, хронический ооруларлу улуска прививканы канайда тургузат деген сурактарга чокум каруулар алган.

ОНФ-тыҥ тергеелик штабыныҥ сопредседатели, республикан перинатальный тӧс јердиҥ баш врачыныҥ ордынчызы Татьяна Сутраева эне болорго јазанган улустыҥ вакцинациязы аайынча берилип турган сурактарга каруулар јандырган. Ол, барлу болорго темдектеген соҥында, јаҥыс ла эне болотон улуска эмес, је анайда ок оны айландыра улуска вакцинаны тургустырар керек деген шӱӱлтезин айткан. Не дезе, бу оору барлу улуста кӱч ӧдӧт.

Кӱнниҥ база бир курч сурагы – кыйалтазы јоктоҥ вакцина тургустырар учурлу болгон, је вакцинаны тургустырбаган граждандарды иштеҥ чыгарарыла колбулу сурак. Ого карууны Роспотребшиҥжӱниҥ Алтай Республика аайынча башкартузыныҥ јааныныҥ ордынчызы Юлия Иваницкая јандырган. Оныҥ айтканыла, калганчы эки айдыҥ туркунына тергееде коронавирус југуш оору таркаарыла колбулу кӱч эпидемиологический айалга тӧзӧлӧ берген. Федерал јасакберим аайынча мындый айалгаларда баш санитарный врачка бир кезек категория профессиональный группаларда кыйалтазы јогынаҥ иммунизация ӧткӱрери керегинде јакаан јӧптӧӧрине тӧзӧлгӧ болот. Ол тоодо: јеткилдештиҥ, садуныҥ бӧлӱктериниҥ ишчилери, государственный ла муниципал служащийлер, ӱредӱчилер, су-кадыкты корыырыныҥ ишчилери. Прививканы улус бойыныҥ кӱӱниле тургустыртат, кажы ла ишчи оноҥ мойноп ийер тап-эриктӱ. Је эпидемио-логический коомой айалга тӧзӧлӧ берген соҥында, вакцина тургустырбаган ишчи профессионал ижинеҥ јайымдалар учурлу.

«Бис мынаҥ да ары колысты тебӱ-пульста тударыс, улуска јилбиркеген јетирӱни берерге болужарыс. Керек болзо, граждандардыҥ сурактарына каруулар јандыратан эксперттерле онлайн-туштажу эмезе чике эфир ӧткӱрерис» – деп, Ольга Матросова айткан.

ОНФ-тыҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина