Бийик кеминде белен болорыныҥ аайында кубулталар

03.09.2020

АР-дыҥ башчызы Олег Хорохордин тергеениҥ башкарузыныҥ бийик кеминде белен болорыныҥ режимин тергеениҥ јерине кийдирери керегинде јакаанына кубулталар эткен.

Ол документтеҥ тергеениҥ јериндеги ӱредӱлик организацияларга ӱренчиктер барарын токтодор ло олорды ыраагынаҥ ӱренериниҥ аайына кӧчӱрери керегинде пункт, анайда ок дежурный детсадтарды чокымдаары керегинде пункт јоголтылган. Школдоҥ озо ӱредӱлик учреждениелер сыгын айдыҥ 1-кы кӱнинеҥ ала, бастыра санитарно-эпидемиологиялык некелтелерди бӱдӱрип, толо кеминде иштеер.

Балдар тӱни-тӱжи болуп турган ла АР-дыҥ иш, јонјӱрӱмдик ӧзӱм ле эл-јонды ишле јеткилдеери аайынча министерствозыныҥ башкартузына кирип турган учреждениелерде вахтовый режимле иштеп тургандарда ОРВИ-ниҥ темдек-симптомы бар болзо, олорды кыйалтазы јогынаҥ коронавирусный инфекцияга шиҥдеп кӧрӧриниҥ ээжизиниҥ ӧйи ӱлӱрген айдыҥ 15-чи кӱнине јетире узадылган. Ӧскӱс ле ада-энезиниҥ кичеемели јок арткан балдардыҥ Г. К. Жуковтыҥ адыла адалган школы јайдыҥ ӧйинде шак бу режимле башкарынып иштеген болгон, эмди ол алдындагы аайыла иштеер.

65 јашту ла оноҥ јаан јашту улус самоизоляцияныҥ режимиле сыгын айдыҥ 18-чи кӱнине јетире башкарынзын ла јондык јерлерде болорын кирелендирзин деп шӱӱлтелер эдилген.

Анайда ок тергеениҥ башкараачызы Кош-Агаш аймактыҥ јеринде кирелендириштӱ керектер керегинде јакаанга кубулталар кийдирген: муниципал тӧзӧлмӧниҥ јериндӧӧн мында регистрациялу улустаҥ ӧскӧ улуска барарга ла ол јердеҥ чыгарга јарабас. Бу пункт эмди аймактыҥ јеринеҥ ӧскӧ јерлерде ӱренип турган ӱренеечилерге ле олорды ӱйдежип јӱрген улуска таркадылбас.

Тергеениҥ јеринде кыйалтазы јогынаҥ маска кийериниҥ режими иштейт. Каланыҥ эл-јоны ла айылчылары таҥынаҥ коруланарыныҥ эп-аргаларын текши тузаланышту транспорттыҥ бастыра бӱдӱмдериле, ол тоодо таксиле, јорыктаза, аптекаларда, магазиндерде, автовокзалдарда, аэропорттордо, бастыра бӱдӱм транспорттыҥ токтодуларында, текши тузаланыштыҥ јерлеринде, јаҥныҥ органдарында болзо, тузаланар учурлу.

АР-дыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина