Новостная лента

Одуска јуук сурак кӧрӱлген

Кӱӱк айдыҥ 24-чи кӱнинде Алтай Республиканыҥ Государственный Jууны — Эл Курултайдыҥ XXXIV ээчий сессиязы ӧткӧн.

1 июня 2018

Ӱредӱде кӱч — черӱде јеҥил…

Алтай Республиканыҥ муҥнаҥ ажыра ӱренчиктери Тӧс јуучыл округтыҥ зенитно-ракетный биригӱзинде палаткаларда јадып, јуучыл сбор-јуунтыда кӱӱк айдыҥ учына јетире туружар. Бу лагерь Сибирьде уулдар беш кӱнге јалаҥда јадып, ӱредӱ, белетениш ӧдӧр аргалу сок јаҥыс лагерь. ²скӧ тергеелерде дезе, балдар јӱк тӱште келип, ӱренип турулар.

29 мая 2018

Ороонныҥ гран-кыйулары бек коруда

Алтай Республиканыҥ башчызы Александр Бердников кӱӱк айдыҥ 25-чи кӱнинде Павел Кучияктыҥ адыла адалган эл театрда ӧткӧн Россияныҥ погранчерӱзиниҥ тӧзӧлгӧнинеҥ ала 100 јылдыгына учурлалган кӧдӱриҥиде турушты.

29 мая 2018

Ойынныҥ тазылдары «Алтайдыҥ Чолмонында»

Jаан учурлу политикалык ла јондык ас эмес керектер бистиҥ газеттеҥ башталган деп айдар керек. Ол тоодо «Эне Тил» деген јондык кыймыгу, быјыл одузынчы јылдыгы толуп јаткан Эл Ойын. Албатыныҥ ойындары «Алтайдыҥ Чолмоныла» айрылбас колбулу. Бу кыймыгу ӧткӧн чактыҥ 70-чи јылдарында газеттиҥ јиит корреспонденттериниҥ баштаҥкайынаҥ башталган.

29 мая 2018

Курч каламду јерлежистиҥ эземи

Кан-Оозы аймактыҥ Экинур јуртында Алтайыстыҥ ады јарлу журнализи, јондык ишчизи болуп, эрчимдӱ иштеген јерлежис Василий Айачинович Тоеновтыҥ ару-јаркынду эземине, 80 јажына, учурлалган, эске алынышту эрмек-куучындарлу, јылу туштажу ӧткӧн. Jайалтазы јаан, айтканы јаан учурлу, бичимел сӧзи бескелӱ, каламынаҥ чыккан курч чӱмдемелдери калык-јонныҥ ӧзӧк-буурын ӧйкӧй согор, јӱректерин кӱйбӱредер јерлежис Василий Айачинович ончо јанынаҥ јайалталу кижи болгон.

29 мая 2018

Эл-јонныҥ су-кадыгы ајаруда

Алтай Республикада Jондык албатылык фронттыҥ «Социальная справедливость» деген талалык ишмекчи бӧлӱгиниҥ эксперттери тоозыла 2 муҥга чыгара улус јуртап јаткан јерлерде јетирилип турган медициналык болуштыҥ чыҥдыйы эл-јонго јуук болгоны аайынча мониторинг ӧткӱрген.

29 мая 2018

Балдардыҥ јайгы амыралтазы

Алтай Республиканыҥ башчызы, башкарузыныҥ председатели Александр Бердников балдардыҥ јайгы амыралтазына белетеништӱ ишке учурлалган јуун ӧткӱрген. Балдардыҥ јайгы амыралтазы кичӱ изӱ айдыҥ баштапкы кӱндеринде башталар.

29 мая 2018

Кӱзӱҥи шыҥырты јаан телекейге ӱйдежет

Школдо ӱренген јылдар элес эдип ӧдӧ конды. Кӱзӱҥиниҥ шыҥырты јииттерди ичкери јаан јолына ӱйдежет. «Башпарактыҥ» најылары В. К. Плакастыҥ адыла адалган ресгимназияныҥ, каланыҥ 7-чи таҥмалу школыныҥ 11-чи класстарыныҥ балдары экинчи айлы, энези болгон школы, ӱредӱчилери керегинде кӱӱнземелдерин ийдилер. Онойдо ок 7-чи таҥмалу школдыҥ баштамы класстарын божодып, ӱредӱзин јаан класстарда улалтар уулчактар, кызычактар база бойлорыныҥ кӱӱнземелдерин

25 мая 2018

Ук улалар, мак ӧчпӧс

Бу јууктарда Кан-Оозы аймакта Мӧндӱр-Соккон јурттыҥ орто ӱредӱлӱ школыныҥ спортзалында ӱренчик-кӱрешчилердиҥ, самбисттердиҥ турнири ӧткӧн. Ол Ада-Тӧрӧл учун Улу јууныҥ ла иштиҥ ветераны, «Слава» ла Кызыл Чолмон ордендердиҥ, тоозы јок медальдардыҥ кавалери Атрат Данилович Боктинниҥ эземине учурлалган. Бу јаан турнирге республиканыҥ 12 јуртынаҥ 124 кӱрешчи јуулып тартышкан.

25 мая 2018

Александр Бердников таҥынаҥ прием ӧткӱрген

Кӱӱк айдыҥ 23-чи кӱниниде Алтай Республиканыҥ башчызы Александр Бердников ороонныҥ президенти Владимир Путинниҥ јакыганыла граждандардыҥ сурактарын угар таҥынаҥ туштажу (прием) ӧткӱрген.

25 мая 2018

… 197 198 199 200 201 202 203 204 …

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина