Настройки отображения
Настройки шрифта:
Выберите шрифт Arial Times New Roman
Интервал между буквами (Кернинг): Стандартный Средний Большой
Выбор цветовой схемы:
Алтайдын Чолмоны
Статьи
Ӱредӱчиниҥ ырызы — ӱреткен ӱренчиктеринде
Елизавета Юштаевна Папыева (кыс ӧбӧкӧзи Пьянова) каладагы 7-чи таҥмалу школдо алтай тилдиҥ ле литератураныҥ ӱредӱчизи болуп кӧп јылдар туркунына једимдӱ иштейт.
16 октября 2018
Нацӱлекерлерге учурлалган jуунда турушкан
Алтай Республиканыҥ башчызы Александр Бердников РФ-тыҥ Президентиниҥ Россияныҥ национальный амадулары ла оныҥ ӧзӱминиҥ 2024 јылга јетире стратегический иш-амадулары керегинде Јарлыгын бӱдӱрери аайынча Государственный советтиҥ ишмекчи јууныныҥ баштапкы јуунында турушкан. Москвада ӧткӧн јуунды Президенттиҥ болушчызы, Госсоветтиҥ качызы Игорь Левитин башкарып ӧткӱрген.
16 октября 2018
«Эҥ кӧп «националисттер» Ойротияда табылган»
Ӱлӱрген айдыҥ 11-чи кӱни Алтай Республикада Эземниҥ кӱни деп темдектелет. Мындый кӱнди темдектеери керегинде јасакты АР-дыҥ парламенти 2003 јылда јӧптӧгӧн.
12 октября 2018
«Алтай Кайда» — алты алтын медаль…
Калык чӱмделгезиниҥ телекейде ады јарлу «Алтай Кай» деген јайаандык ӧмӧлиги тоолу кӱндер кайра кайчылардыҥ Монголияда ӧткӧн калыктар ортодогы фестивалинеҥ, кӧрӱ-маргаанынаҥ јеҥӱлӱ јанып келди. Јилбилӱ јол-јорыгы, јайаан ижи јанынаҥ «Алтай Кайдыҥ» художественный башкараачызы, Алтай Республиканыҥ эл кайчызы Урмат ЫНТАЕВ мынайда куучындады:
12 октября 2018
Газла јеткилдештиҥ сурагы шӱӱжилген
Бистиҥ тергееде 2018 јылда газификация ӧткӱрери јанынаҥ сурак Алтай Республиканыҥ башчызы Александр Бердниковтыҥ башкартузыла ӧткӧн ишмекчи јуунда шӱӱжилип кӧрӱлген.
12 октября 2018
Алтайда – хакас элдиҥ театры
Алтай Республикага ӱлӱрген айдыҥ баштапкы кӱндеринде Хакас Республиканыҥ драма ла албаты кӱӱзиниҥ «Читiген» деп ады јарлу театрыныҥ гастрольдоры карындаш эки калыктыҥ талалар ортодогы культуралык колбулары аайынча јарадылган јӧптӧжӱле ӧтти.
9 октября 2018
Аракыдаш јакшыга экелбес
Кажы ла кӱн аракы ичер кӱӱни келип турганы — ӧй ӧткӧниле тыҥып туратан јаантайынгы оору. Ол кижиниҥ эди-канына, кылык-јаҥына, сагыжына, тынына ла јон ортозында јӱрӱмине јаан каршузын јетирет.
9 октября 2018
Чаҥкыр айаста – Кан-Кереде кужыс
25 јыл мынаҥ кайра, 1993 јылдыҥ ӱлӱрген айыныҥ 6-чы кӱнинде, Алтай Республиканыҥ Ӱстиги Соведи республиканыҥ гербин јӧптӧгӧн.
9 октября 2018
«Кай чӧрчӧктӧрдӧ улу јаан поэзия, агару ӱредӱ»
Алтайда кӱреҥ кӱс. Сары бӱр. Шак ла бу кӱски кӱндерде Горно-Алтайскта (сыгын айдыҥ 21-22 кӱндери) Павел Кучияктыҥ адыла адалган эл театрда кайчылардыҥ калыктар ортодогы 15-чи Курултайы ӧтти. Быјылгы Курултай ады јарлу тӧӧлӧс сӧӧктӱ кайчы Табар Анышкинович Чачияковтыҥ чыкканынаҥ ала 95 јылдыгына ла онойдо ок Болушты бойыныҥ кӱӱниле эткен улустыҥ (волонтерлордыҥ) јылына учурлалды. Кайчылардыҥ Курултайын
28 сентября 2018
Калыктыҥ кӧксин ойгоскон кай чӧрчӧк
Павел Кучияктыҥ адыла адалган эл драма театрда сыгын айдыҥ 23-чи кӱнинде кайчы Алексей Калкинниҥ «Маадай-Кара» деген кай чӧрчӧги аайынча тургузылган ойын—кӧргӱзӱниҥ премьеразы ӧтти. Кычыраачыларга «Маадай-Кара» ойын-кӧргӱзӱниҥ режиссеры Андрей Борисовтыҥ ады-јолы таныш. Телекейде ады чыккан режиссер тоолу јыл кайра «Восхождение на Хан-Алтай» деген ойын-кӧргӱзӱни база мӧрлӱ тургускан эди. «Маадай-Кара» деген кай чӧрчӧкти сценага тургузары јанынаҥ
26 сентября 2018
ТОП
«Баатырларыс ойгонып калды…»
(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым
Малдыҥ сӧӧк-тайагыла тудуш јаҥдар
Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир
Јаҥарыс бистиҥ Алтайга јаҥыланзын
Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина